Իրանի արտաքին գործերի նախարար Աբբաս Արաղչին շաբաթվա վերջին նախապես ծրագրված այցով կմեկնի Մոսկվա, որի ընթացքում, ի թիվս այլ հարցերի, կքննարկի Թեհրանի և Վաշինգտոնի միջև անցած շաբաթ օրը Օմանի մայրաքաղաքում տեղի ունեցած բանակցությունները։
«Արաղչին շաբաթվա վերջին կմեկնի Մոսկվա: Շեշտում եմ. սա նախապես ծրագրված այց է, բայց, իհարկե, այս հնարավորությունը կօգտագործվի Մուսկատում բանակցությունների հետ կապված վերջին զարգացումները քննարկելու համար»,- ասել է Բաղային։
Անցած շաբաթ օրը Օմանի մայրաքաղաք Մուսկատում անուղղակի բանակցություններ են տեղի ունեցել Իրանի արտաքին գործերի նախարար Աբբաս Արաղչիի և Մերձավոր Արևելքի հարցերով ԱՄՆ նախագահի հատուկ բանագնաց Սթիվ Ուիթքոֆի միջև։
Ըստ Ուիթկոֆի՝ Օմանում Իրանի և ԱՄՆ-ի բանակցությունները դրական և կառուցողական էին։ Արաղչին նաև այս բանակցությունների մթնոլորտը որակել է կառուցողական և հանգիստ, շնորհակալություն հայտնել Օմանի արտգործնախարարին իրանական և ամերիկյան պատվիրակությունների միջև կարծիքների փոխանակմանն ուղղված ջանքերի համար և հայտարարել, որ Իրանի և ԱՄՆ-ի միջև բանակցությունների երկրորդ փուլը տեղի կունենա շաբաթ օրը՝ ապրիլի 19-ին։
