Մեծ Բրիտանիայի փոխարտգործնախարար Սթիվեն Դաութին ՌԻԱ Նովոստիին ասել է, որ Անթալիայում դիվանագիտական ֆորումի շրջանակներում ԱԳ նախարար Սերգեյ Լավրովի հետ հանդիպելու պլաններ չկան։
«Ոչ»,-պատասխանել է նա ՌԻԱ Նովոստիի այն հարցին, թե ծրագրված է արդյոք հանդիպում Լավրովի հետ, ով նույնպես եկել էր ֆորումին։
Լավրովը Թուրքիա էր ժամանել նախօրեին։ Ինչպես ավելի վաղ հայտնել էին ՌԴ ԱԳՆ-ից, միջոցառման ընթացքում նախատեսվում է նախարարի ելույթը և դրա շրջանակներում մի շարք երկկողմ հանդիպումներ:
Ապրիլի 11-13-ը Անթալիայում տեղի կունենա չորրորդ դիվանագիտական ֆորումը։ Այս տարվա թեման է «Դիվանագիտությունը վերադարձնել ճեղքված աշխարհ»:
