Ռուսաստանի Դաշնության, Չինաստանի և Իրանի միջև Իրանի միջուկային ծրագրի շուրջ եռակողմ խորհրդակցությունները տեղի կունենան ապրիլի 7-8-ը Մոսկվայում։ Այս մասին հայտարարել է Իսլամական Հանրապետության արտաքին գործերի նախարարության պաշտոնական ներկայացուցիչ Էսմայիլ Բագայը։
«Այսօր կամ վաղը Մոսկվայում տեղի կունենա ևս մեկ եռակողմ հանդիպում, որի ընթացքում Չինաստանը, Ռուսաստանը և Իրանը կքննարկեն միջուկային խնդիրների, Գործողությունների համատեղ համապարփակ ծրագրի և ՄԱԿ-ի Անվտանգության խորհրդի 2231 բանաձեւի հետ կապված տարբեր ասպեկտներ»,- ասել է դիվանագետը շաբաթական ճեպազրույցում։
