Ամերիկացի միլիարդատեր և Pershing Square ներդրումային հիմնադրամի ղեկավար Բիլ Աքմանը X սոցիալական ցանցի իր էջում ԱՄՆ նախագահ Դոնալդ Թրամփին առաջարկել է 90 օրով սառեցնել ԱՄՆ մաքսատուրքերը՝ աշխարհի հետ տնտեսական տարաձայնությունները «ավելի մեղմ» լուծելու համար։
«Նախագահը հնարավորություն ունի 90-օրյա ընդմիջում վերցնել, բանակցել և լուծել անարդար, ասիմետրիկ սակագնային պայմանավորվածությունները և տրիլիոնավոր դոլարների նոր ներդրումներ ներգրավել մեր երկիր», - գրել է Աքմանը:
Միլիարդատիրոջ կարծիքով՝ Թրամփի որոշումը՝ ուշադրություն դարձնել ԱՄՆ օտարերկրյա գործընկերների անարդար սակագնային քաղաքականությանը, ճիշտ էր, սակայն նախագահի պատասխանի կոշտությունը խաթարում է աշխարհի վստահությունը հենց ԱՄՆ-ի՝ որպես տնտեսական գործընկերոջ նկատմամբ։ Եթե Թրամփը դեռևս չհամակարգի ապրիլի 9-ին մաքսատուրքեր մտցնելու իր ծրագրերը, ապա Միացյալ Նահանգները կբախվի «տնտեսական միջուկային ձմեռվա»,-պնդել է Աքմանը։
Բացի այդ, նա կարծում է, որ ամերիկյան նախագահի գործողությունները հանգեցրել են նրան, որ նա «կորցնում է ողջ աշխարհի բիզնեսի առաջնորդների վստահությունը»։
