ԱՄՆ նախագահ Դոնալդ Թրամփը հայտարարել է, որ շաբաթավերջին բանակցություններ է վարել եվրոպական և ասիական առաջնորդների հետ՝ ԱՄՆ մաքսատուրքերի հարցի շուրջ։ Նա պատասխանել է լրագրողների հարցերին Ֆլորիդայից Վաշինգտոն ուղեւորվող նախագահական ինքնաթիռում:
«Ես խոսել եմ շատ եվրոպացի և ասիական առաջնորդների հետ», -ասել է պետության ղեկավարը՝ պատասխանելով հարցին, թե արդյոք նա խոսել է որևէ առաջնորդի հետ մաքսատուրքերի մասին:Նախագահին հարցրել են, թե արդյոք նա ցանկանում է զրոյական մաքսատուրքեր Եվրոպայի հետ, ինչպես առաջարկել է Իլոն Մասկը, ով պատասխանատու է Վաշինգտոնի բյուրոկրատիայի կրճատման համար։
«Եվրոպան մեզ հետ շատ վատ է վարվել։ Նրանք գալիս են սեղանի շուրջ, նրանք ցանկանում են խոսել, բայց նրանք չեն խոսի, քանի դեռ մեզ տարեկան մեծ գումար չեն վճարել», – ասել է Թրամփը:
