Հռոմի Ֆրանցիսկոս պապը կիրակի առաջին անգամ երևացել է հանրությանը երկկողմ թոքաբորբի բուժումից հետո հիվանդանոցից դուրս գրվելուց երկու շաբաթ անց։ Սայլակին նստած և թթվածնի սարքը միացրած մտնելով Վատիկանի Սուրբ Պետրոսի հրապարակ՝ նա ողջունել է հավաքվածներին: Այդ մասին հայտնում է Reuters-ը։
88-ամյա պապը հանրության տեսադաշտից դուրս է եղել մարտի 23-ից, այն պահից, երբ նա կարճ ողջույնի խոսք էր ասել ավելի քան հինգ շաբաթ տևած բուժումից հետո Հռոմի հիվանդանոցից հեռանալուց առաջ։
Հռոմի պապի՝ հրապարակ դուրս գալու մասին նախօրոք չի հայտարարվել։
Գալով հրապարակ՝ Ֆրանցիսկոս պապը ձեռքով ողջունել է հավատացյալներին:
«Ուրախ կիրակի բոլորին։ Շատ շնորհակալ եմ», - ասել է նա։
