Հանրապետության փոխնախագահի պաշտոնը Սիրիայում շուտով կվերականգնվի պետության ժամանակավոր ղեկավար Ահմեդ ալ-Շարաայի որոշմամբ։
Այս մասին հայտնում է լիբանանյան Al Nahar թերթը՝ վկայակոչելով Դամասկոսի կառավարական աղբյուրները։Դրա տեղեկություններով՝ ալ-Շարաան մտադիր է նշանակել քաղաքական հարցերով իր խորհրդական Մուայադ ալ-Քիբլավիին, ով համակարգում էր ազգային երկխոսության համաժողովի նախապատրաստական կոմիտեի աշխատանքը։ Այս ֆորումը տեղի ունեցավ փետրվարի 24-25-ը Դամասկոսում, որին մասնակցեցին ավելի քան 600 պատվիրակներ, որոնք ներկայացնում էին երկրի տարբեր շրջանները։
Նախկինում ալ-Քիբլավին եղել է Սիրիայի ազգային խորհրդի հիմնադիրներից մեկը, որը միավորում էր քաղաքական էմիգրանտներին, ովքեր դեմ էին նախկին նախագահ Բաշար ալ-Ասադի իշխանությանը 2011թ.-ին:
Մինչև 2024 թվականի դեկտեմբերին Դամասկոսում տեղի ունեցած իշխանափոխությունը, այս քաղաքական գործիչը Ալ-Շարաայի հետ էր Իդլիբ հյուսիսարևմտյան նահանգում, որը ծառայում էր որպես զինված խմբավորումների ֆորպոստ։
