Ռումինիայում պաշտոնապես մեկնարկում է նախագահական ընտրությունների քարոզարշավը։ Պետության ղեկավարի ընտրության քվեարկության առաջին փուլը նշանակված է մայիսի 4-ին, երկրորդը (անհրաժեշտության դեպքում)՝ մայիսի 18-ին։Ընտրապայքարին մասնակցում է 11 թեկնածու, որոնցից 7-ը առաջադրված են քաղաքական կուսակցությունների կողմից, 4-ը՝ անկախ։
Երկու կին և ինը տղամարդ կպայքարեն երկրի բարձրագույն պետական պաշտոնի համար։Ըստ վարկանիշների, հաղթելու ամենամեծ շանսերն ունեն Ջորջ Սիմիոնը (ազգայնական դաշինք հանուն ռումինացիների միասնության), նախկին լիբերալ առաջնորդ և Սենատի նախկին նախագահ Կրին Անտոնեսկուն «Ռումինիա գնա» եվրոպամետ կուսակցությունների դաշինքի միասնական թեկնածուն, «Ազգային ազատական կուսակցությունը» և «Հունգարիայի դեմոկրատական միությունը Ռումինիայում», մայրաքաղաքի գլխավոր քաղաքապետ Նիկուսոր Դանը (անկախ), նախկին վարչապետ Վիկտոր Պոնտան (անկախ), Ելենա Լասկոնին (Աջ կենտրոնամետ Միություն հանուն Ռումինիայի փրկության):
Նախկինում Սահմանադրական դատարանը մերժել էր ազգայնական քաղաքական գործիչներ Կալին Ջորջեսկուի և Դիանա Սոշոակայի թեկնածությունները՝ պատճառաբանելով, որ նրանք չեն հարգում սահմանադրական և ժողովրդավարական նորմերը։ Մի շարք այլ թեկնածուների մերժման հիմնական պատճառը նրանց աջակցության համար հավաքված ստորագրությունների անբավարար քանակն էր։
