Ամերիկյան «City of Hope» բժշկական կենտրոնի գիտնականները պարզել են, որ քաղցկեղի զարգացման համար անհրաժեշտ են ոչ միայն գենետիկ մուտացիաներ, այլ նաև ռիսկի այլ գործոններ, օրինակ՝ քրոնիկական բորբոքում։ Հետազոտության արդյունքները հրապարակվել են Cancer Discovery ամսագրում:
Գիտնականներն ասում են, որ ոչ բոլոր ծխողների մոտ է թոքերի քաղցկեղ է առաջանում: Ծխելը առաջնային քաղցկեղածին գործոնն է, որն առաջացնում է բջիջների մուտացիաներ, սակայն այդ բջիջները կարող են լրացուցիչ մեխանիզմներ պահանջել ուռուցք ձևավորելու համար:
Այս մեխանիզմները բացահայտելու համար գիտնականները մկների վրա երկփուլ փորձարկում են անցկացրել: Կենդանիներին տրվել է երկու դեղամիջոց՝ մեկը բջիջներում հազարավոր մուտացիաներ առաջացնելու համար, իսկ մյուսը՝ մաշկի հյուսվածքում տեղային բորբոքում առաջացնելու համար: Ինչպես և սպասվում էր, քաղցկեղը զարգանում էր գրեթե բոլոր դեպքերում՝ համակցված ազդեցությամբ: Գիտնականները ենթադրել են, որ բորբոքման առկայության դեպքում իմունային համակարգը չի ուղղում կամ ոչնչացնում մուտացված բջիջները:
Հետազոտողները կատարել են ամբողջ գենոմի լրացուցիչ հաջորդականություն՝ հաստատելու համար, որ առաջին քաղցկեղածինի կողմից առաջացած մուտացիաները քաղցկեղի զարգացման ներուժ ունեն: Այնուամենայնիվ, նրանք պահանջում էին բորբոքային ազդանշաններ ուռուցքներ ձևավորելու համար:
Գիտնականներն ասում են, որ իրենց հայտնագործությունը օգնում է հասկանալ, որ գենետիկորեն ժառանգված քաղցկեղի բարձր ռիսկը կարելի է «ճնշել»՝ խուսափելով բորբոքումից: Դրան կարելի է հասնել առողջ ապրելակերպի միջոցով՝ ճիշտ սննդակարգով, խուսափելով ալկոհոլից և ծխախոտից, միկրոպլաստիկներով և ծանր մետաղներով աղտոտված մթերքներից։
Թարգմանությունը՝ Euromedia24.com-ի
