Սերբիայի նախագահ Ալեքսանդր Վուչիչը շաբաթ օրը Բելգրադում տեղի ունեցած զանգվածային ցույցերի ֆոնին հայտարարեց, որ Կիևի «մայդանի» օրինակով հնարավոր չի լինի երկրում գունավոր հեղափոխություն իրականացնել։
«Ես շատ հպարտ եմ, թե ինչպես է սերբական պետությունը պահպանել կայունությունն ու խաղաղությունը՝ չնայած ապակայունացման բազմաթիվ փորձերին», - գրել է Վուչիչը Instagram-ի իր էջում: «Մայդանի կրկնօրինակը չի աշխատի», - ընդգծել է Սերբիայի ղեկավարը:
Բելգրադում շաբաթ օրը զանգվածային բողոքի ցույցեր են տեղի ունեցել ընդդեմ երկրի ղեկավարության։ Սերբիայի ներքին գործերի նախարարության տվյալներով՝ մասնակիցների թիվը գերազանցել է 100 հազարը։ Բողոքի ցույցերը Սերբիայում շարունակվում են տարբեր ինտենսիվությամբ 2024 թվականի նոյեմբերից, երբ Նովի Սադ երկաթուղային կայարանում հովանոցը փլուզվեց, ինչի հետևանքով զոհվեց 15 մարդ:
Ցուցարարները ողբերգության մեջ մեղադրում են երկրի իշխանություններին։
