Ճապոնիան, ուր Թուրքիայի քաղաքացիները կարող էին ճամփորդել առանց վիզայի, պատրաստվում է վիզային ռեժիմ մտցնել Թուրքիայի քաղաքացիների համար։ Պատճառն այն է, որ վերջին տարիներին ավելացել են փախստականների հիմնախնդիրները, դիմումների աճը և Թուրքիայից ներգաղթածների հետ կապված միջադեպերը։
Ըստ Japan Forward-ում հրապարակված տեղեկությունների՝ Ճապոնիայի կառավարությունը դրական է վերաբերվում որոշ երկրների համար (ներառյալ Թուրքիան) «հսկվող մուտք» ընթացակարգ սկսելու գաղափարին։
Այն փաստը, որ Թուրքիան Ճապոնիայում փախստականության դիմումներ ներկայացնող երկրների առաջին տասնյակում է ու այդ տասնյակի միակ երկիրն է, որից վիզա չի պահանջվում, հանգեցրել են վիզային քաղաքականության վերանայման։
Առաջին փուլում նախատեսվում է «զբոսաշրջային վիզա», որը կարելի է ստանալ պարզ դիմումով՝ Թուրքիայից կարճաժամկետ ուղևորությունների համար, մինչդեռ ներկայիս կանոնակարգով Թուրքիայի քաղաքացիները կարող են մուտք գործել Ճապոնիա առանց վիզայի 90 օրվա ընթացքում։
