Դաջվածքների պիգմենտը կարող է օրգանիզմում առաջացնել մի շարք աուտոիմուն ռեակցիաներ և այդպիսով առաջացնել լիմֆոմա: Ընդ որում, դա կախված չէ գծագրի չափսից,- զգուշացրել է ուռուցքաբան-մաշկաբան Եկատերինա Վերտիեւան «Москве 24»-ի հետ զրույցում։
Ավելի վաղ Դանիայից և Ֆինլանդիայից մի խումբ գիտնականներ պարզել էին, որ մարմնի վրա դաջվածքներ ունենալը կարող է մեծացնել մաշկի քաղցկեղի և լիմֆոմայի զարգացման ռիսկը։ Հետազոտության համաձայն՝ վտանգը ներկայացնում է թանաքը, որը կուտակվում է ավշային հանգույցներում և կարող է հանգեցնել քրոնիկ բորբոքման։ Ռիսկը հատկապես մեծ է նրանց համար, ում դաջվածքներն ավելի մեծ են, քան ձեռքի ափը։
Միաժամանակ, փորձագետը հավելեց, որ դաջվածքներն իսկապես կարող են առաջացնել լիմֆոմա և պսևդոլիմֆոմա (բարորակ հիվանդություն)։
«Մեր պրակտիկայում նման դեպքեր շատ հաճախ ենք տեսել դաջվածքների հետ կապված: Դա պայմանավորված է նրանով, որ գունազարդման պիգմենտը առաջացնում է իմունային համակարգի ակտիվացում և որոշ աուտոիմուն ռեակցիաների առաջացում: Ավելին, դա կախված չէ նկարի չափից»,- ասաց նա:
«Մյուս կողմից, մենք հաճախ կարող ենք բաց թողնել մելանոմայի կամ այլ քաղցկեղի միայն այն պատճառով, որ դրանք գտնվում են նկարի տարածքում, և հիվանդները ուշադրություն չեն դարձնում դրանց»,-ասում է մասնագետը։
Իր հերթին, վարակաբան, RUDN համալսարանի ինֆեկցիոն հիվանդությունների ամբիոնի դոցենտ Սերգեյ Վոզնեսենսկին հիշեցրել է, որ դաջվածք անելը կարող է հանգեցնել նաև վտանգավոր հիվանդություններով վարակվելու։
Թարգմանությունը՝ Մանուել Թամազյանի
