ԱՄՆ ֆինանսների նախարարությունը պատժամիջոցներ է կիրառել մայրցամաքային Չինաստանից և Հոնկոնգից վեց ընկերությունների նկատմամբ՝ իրանական անօդաչու թռչող սարքեր և բալիստիկ հրթիռներ արտադրողներին բաղադրիչներ մատակարարելու համար: Այս մասին ասվում է գերատեսչության հաղորդագրության մեջ։
Նշված ընկերություններից հինգը գրանցված են Հոնկոնգում, մեկը՝ Շենչժեն քաղաքում (Գուանդուն նահանգ)։ Մասնավորապես, նրանք մեղադրվում են իրանական Pishtazan Kavosh Gostar Boshra (PKGB) ընկերությանը և նրա դուստր Narin Sepehr Mobin Isatis-ին (NSMI) էլեկտրոնային բաղադրիչներ մատակարարելու մեջ։
Ընկերությունը գտնվում է ԱՄՆ պատժամիջոցների տակ 2019 թվականից, իսկ մասնաճյուղը հայտնվել է ԱՄՆ գանձապետարանի սև ցուցակում 2024 թվականին։
