Գերատեսչությունում կանխատեսումը բացատրել են երկրում ձվի դեֆիցիտով, որի նկատմամբ պահպանվում են բարձր գները։ ԱՄՆ-ում ածան հավերի թիվը սպառվել է թռչնագրիպի բռնկման պատճառով, որը 2024 թվականի նոյեմբեր-դեկտեմբերին խլեց նրանցից 17,2 միլիոնի կյանքը։
Հունվարի վերջին ԱՄՆ-ում ձվի միջին գինը 12 հատի համար կազմել է 4,95 դոլար։ Ինչպես նշել են գյուղատնտեսության նախարարությունից, այս գինը 53%-ով բարձր է նախորդ տարվա նույն ամսվա համեմատ։
Հունվարի երկրորդ կեսին CBS News կայքը գրեց, որ հավի ձվի գինը կարող է ցատկել 2025 թվականին թռչնագրիպի համաճարակի պատճառով, որը շարունակում է ոչնչացնել թռչնաբուծական ֆերմաները ողջ երկրում։
Սպառնալիքի պատճառով Մասաչուսեթսում գործող Market Basket ցանցը նաև խնդրեց գնորդներին սահմանափակել իրենց գնումները յուրաքանչյուր տնային տնտեսության համար երկու տուփով: Լաս Վեգասցի տղամարդը հայտնել է, որ իր տեղական մթերային խանութում հավի ձվերի դատարկ դարակներ է գտել:
Թարգմանությունը՝ Lurer.com-ի
