Գերմանիայի Սոցիալ-դեմոկրատական կուսակցության (SPD) համանախագահ Լարս Քլինբեյլը կդառնա Գերմանիայի խորհրդարանում SPD խմբակցության նոր ղեկավարը, նա կղեկավարի ընտրություններում հաղթած ՔԴՄ/ՔՍՄ դաշինքի հետ կոալիցիոն բանակցությունները, գրում է Zeit թերթը։
«Լարս Քլինգբեյլն ընտրվել է Բունդեսթագում SPD խմբակցությունից, որը ստացել է 85,6% ձայներ։ SPD-ի նախագահի օգտին քվեարկել են 13 պատգամավորներ»,- գրում է հրատարակությունը։
Այս պաշտոնում քառասունյոթամյա քաղաքական գործիչը կփոխարինի Ռոլֆ Մյուցենիչին։ Խմբակցության նոր ղեկավարը պետք է վարի ընտրություններում հաղթած Քրիստոնեա-դեմոկրատական և Քրիստոնեա-սոցիալական միությունների (ՔԴՄ/ՔՍՄ) դաշինքի հետ իշխող կոալիցիա ստեղծելու շուրջ բանակցությունները։
Սակայն դեռ պարզ չէ՝ նա կմնա այս պաշտոնում, եթե բանակցությունները հաջողությամբ պսակվեն, թե՞ կմիանա կառավարությանը, օրինակ՝ որպես փոխկանցլեր, ասվում է հոդվածում։
