«Հանրապետություն» կուսակցության նախագահ Արամ Սարգսյանի ֆեյսբուքյան գրառումը․
«Պատերազմը կանխելու, հզորանալու, արդիական բանակ ունենալու, ժամանակակից արդյունաբերություն ու տնտեսություն ունենալու միակ հնարավոր տարբերակը նույն քաղաքակրթական արժեքներն ունեցող ու զարգացող աշխարհին միանալու մեջ է: Մենք ցույց տվեցինք, որ մենք Ռուսաստանի գործընկերը չենք, որ մենք մեր խնդիրը տեսնում ենք ոչ թե Ռուսաստանի ու Իրանի փեշի տակ մնալը, այլ մենք մեր խնդիրը տեսնում ենք այդ փեշի տակից պոկվելը և դեպի Եվրամիություն գնալը:
Մեղուն որ մեղու է, իրենից քանի անգամ մեծ մարդուն մեղվի փեթակին մոտենալիս հարձակվում, խայթում է, սրանք միանգամից փախչում են: Էդպես հայրենիք չես պահի, հայրենիք պահելու համար պիտի կռվես, կռվեցիր՝ քեզ կօգնեն: Եթե դու ուզում ես անկախություն ունենալ, դու պիտի պատրաստ լինես քո հայրենիքը պաշտպանելու:
Տնտեսական զարգացումն է, արդյունաբերության հիմնումն ու արևմտյան ներդրումներն են, որ իրական անվտանգություն կբերեն մեզ։
