Հայաստանի և Ադրբեջանի միջև սահմանազատման գործընթացը կապ չունի Վրաստանի և Իրանի հետ:
Euromedia24-ի հետ զրույցում այս մասին նշեց քարտեզագետ Ռուբեն Գալչյանը՝ մեկնաբանելով մամուլում այդ հարցի շուրջ քննարկումները:
«Ժողովուրդ» օրաթերթը հարցում էր ուղարկել Պաշտպանության նախարարություն՝ հետաքրքրվելով, թե կոնկրետ որ կետերից է սկսվելու Ադրբեջանի հետ սահմանագծումն ու սահմանազատումը:
ՊՆ-ից լրացուցիչ ժամանակ են խնդրել հարցմանը պատասխանելու համար, իսկ Արտաքին գործերի նախարարությունից պատասխանել են, որ ըստ հունվարի 16-ին Հայաստանի և Ադրբեջանի Հանրապետությունների սահմանին տեղի ունեցած սահմանազատման հարցերով պետական հանձնաժողովների 11-րդ հանդիպման արդյունքների՝ կողմերը համաձայնության են եկել սկսել պետական սահմանի սահմանազատման համալիր աշխատանքները հյուսիսային հատվածից՝ Հայաստանի, Վրաստանի և Ադրբեջանի սահմանների հատման կետից և այնուհետև հարավային ուղղությամբ՝ հյուսիսից հարավ մինչև Հայաստանի Հանրապետության և Ադրբեջանի Հանրապետության սահմանը Իրանի Իսլամական Հանրապետության հետ:
Օրաթերթը սրանից եզրակացրել էր, որ սահմանազատում տեղի է ունենալու նաև Վրաստանի և Իրանի Իսլամական Հանրապետության հետ: Քարտեզագետ Ռուբեն Գալչյանը, սակայն, պարզաբանում է, որ խոսքն այն մասին է, թե ո՞ր կետից պիտի սկսվի Ադրբեջանի հետ սահմանի սահմանազատումը և որտե՞ղ պետք է այն ավարտվի:
Մանրամասները՝ տեսանյութում:
