Ռուսաստանի և Ուկրաինայի հարցերով ԱՄՆ նախագահի հատուկ բանագնաց Քիթ Քելլոգը կարծում է, որ Մոսկվան և Կիևը պետք է անմիջականորեն միմյանց հետ խոսեն հակամարտության կարգավորման մասին։
«Նրանք ստիպված են: Եվ երկու կողմերն էլ պետք է ինչ-որ բանից հրաժարվեն», - ասել է Քելլոգը ARD-ին:
«Մեզ համար պարզ է, որ երեք կողմերը Ռուսաստանը, Միացյալ Նահանգները և Ուկրաինան, հատկապես հակամարտող կողմերը՝ ռուսներն ու ուկրաինացիները, պետք է նստեն և խոսեն»,- ասել է նա։ Քելլոգը նաև կարծում է, որ քննարկումը կարող է տեղի ունենալ փուլերով:
Ռուսաստանի պետության ղեկավար Վլադիմիր Պուտինը և ԱՄՆ նախագահ Դոնալդ Թրամփը փետրվարի 12-ին հեռախոսազրույց են ունեցել։ Ռուսաստանի Դաշնության և ԱՄՆ-ի ղեկավարները քննարկել են Ուկրաինայում ռազմական գործողությունների դադարեցման հարցը, երկկողմ հարաբերությունները և մի շարք այլ հարցեր:
Ավելի ուշ Թրամփը հեռախոսազրույց է ունեցել նաև Վլադիմիր Զելենսկիի հետ։
