Գրենլանդիայում իշխող «Առաջ» կուսակցությունը կողմնակից է կղզու անկախության հանրաքվեի անցկացմանը հաջորդ մանդատային ժամանակահատվածում, որը տեղի կունենա մարտի 11-ին կայանալիք խորհրդարանական ընտրություններից հետո։ Այս մասին հայտարարել է կուսակցության նախագահ Էրիկ Ջենսենը։
«Սա հենց այն է, ինչին մենք ցանկանում ենք հասնել: Սա է մեր նպատակը: Բնականաբար, դա կլինի Գրենլանդիայի ժողովրդի հետ սերտ համագործակցությամբ: Եվ սա շատ կարևոր է: Կասկած չկա, թե ինչի համար ենք մենք քվեարկելու»,-ասել է նա Danmarks Radio-ին տված հարցազրույցում: Միաժամանակ, կուսակցության ղեկավարը պաշտպանում է ինքնակառավարման մասին օրենքի 21-րդ հոդվածի կիրառումը։
Այս դեպքում Գրենլանդիայի և Դանիայի կառավարությունների միջև պետք է բանակցություններ սկսվեն կղզուն անկախություն տրամադրելու վերաբերյալ։Սա կուսակցության ծրագրային կետերից մեկն է, որով նա գնում է ընտրությունների։
