Գազայի հատվածի վերաբերյալ ոչ մի որոշում չի կարող ընդունվել առանց Պաղեստինի ազգային վարչակազմի համաձայնության։ Այս մասին Al Arabiya հեռուստաալիքի եթերում հայտարարել է Պաղեստինի իշխանությունների պաշտոնական ներկայացուցիչ Նաբիլ Աբու Ռուդեյնան։
«Ոչինչ հնարավոր չէ անել Գազայի հատվածի հետ կապված առանց Պաղեստինի ղեկավարության հավանության: Մենք մերժել ենք ԱՄՆ նախագահ Դոնալդ Թրամփի առաջարկը շատ տարիներ առաջ, և մենք կմերժենք նրա ներկայիս առաջարկը», -ասել է Աբու Ռուդեյնան՝ ընդգծելով, որ Գազան «չի վաճառվում և սակարկելի չէ»:
Բացի այդ, նա նշել է, որ ներքին պաղեստինյան խնդրի լուծումը պետք է հետաձգվի։
