Շաբաթ օրը մամուլում աղմուկ հանած երևանյան մանկապարտեզի տնօրենի բաց նամակը՝ Երևանի քաղաքապետ Տիգրան Ավինյանին, առայժ արձագանք չի ստացել քաղաքապետարանից, այդ մասին ինքը՝ Ավանի N 57մանկապարտեզի ղեկավարն ասաց՝ Eurwmedia 24 լրատվականի հետ զրույցում։
«Ես ԶԼՄ-ների միջոցով հանրայնորեն բաց նամակով դիմելուց առաջ նույն դիմումը փոստով եմ ուղարկել պարոն քաղաքապետին՝ ակնկալելով, որ արտոնյալ աշխատակցի գործունեության մասին կտեղեկանա վերադասը և ի վերջո լուծում կտրվի մեր մանկապարտեզում Արփինե Հակոբյանի գործունեության պատճառով առաջ եկած հարցերին։ Հուսամ այսօր կամ վաղը գրությունս տեղ կհասնի և պատասխան կստանամ»,- բաց նամակի հեղինակ Մարգարիտա Հովհաննիսյանը։
Ավելի վաղ մամուլում տարածվեց https://lurer.com/article/615003/am նշված նամակը, որտեղ մի շարք ապօրինությունների մասին է հաղորդվում , որոնք թույլ են տրվել ըստ հեղինակի, խոսքը Արփինե Հակոբյանի մասին է, ով ինտեսնիվ միջամտում է մանկապարտեզի ներքին խնդիրներին՝ այդ թվում կոծկելով երեխայի բռնության դեպք, ինչը հիշատակվում է սույն նշված բաց նամակի մեջ։ https://lurer.com/article/615145/am
Կհանդիպի՞ քաղաքապետ Տիգրան Ավինյանն իրեն դիմած մանկապարտեզի ղեկավարին և նրան ենթադրյալ խոչընդոտող անձին՝ Ավանի մանկապարտեզների ՀՈԱԿ տնօրեն Արփինե Հակոբյանին, Ավինյանի խոսնակ Հայկ Կոստանյանն ասաց, որ դեռևս դիրքորոշում չի կարող հայտնել, քանի որ քաղաքապետ՝ Ավինյանը գտնվում է արձակուրդի մեջ։
Ի դեպ Մարգարիտա Հովհաննիսյանը չի բացառում, որ իրավական ճանապարհով ընթացք կտա Արփինե Հակոբյանի գործողություներին։ Նշենք, որ Արփինե Հակոբյանը երեկ շտապեց առաջինը արձագանքել իր դեմ վինյանին ուղղված նամակին՝ սոցցանցում <<Ավանի վարչական շրջանի մանկապարտեզներ>> էջից https://www.facebook.com/100007961375767/posts/3997460190529321/?mibextid=wwXIfr&rdid=xnEyoDI4HrT5FbqR#
Հետաքրքրվեցինք Մարգարիտա Հովհանինիսյանի նամակում հիշատակված երեխայի բռնության դեպքի մասին, երբ է այն տեղի ունեցել, ինչ հանգամանքներում և ում կողմից , և ինչու իրավական հետևանք չի ունեցել , ինչպես ինքն էր ընդգծել նամակում։
«Ես հոկտեմբերի 28 –ին ծնողական համայնքից ստացել եմ բողոք՝ կոնկրետ խմբից, ինչից հետո ես նրանց ասել եմ պատրաստ եմ ընթացք տալ, և հետաքրքրվել եմ ՝ արդյո՞ք ծնողները ստորագրություններով պատրաստ են փաստել կատարվածը, համաձայնեցին։ Ստացած դիմում-բողոքը ծնողներից՝ իրենց ստորագրություններով և դրան կցելով իմ դիմումը կատարվածի մասին փոխանցեցի Ավանի թաղապետարան ՀՈԱԿ տնօրենին, սակայն մինչ օրս ոչ մի արձագանք չկա։
Վերջերս հետաքրքրվեցի ինչ ընթացք է ստացել, արձագանքեցին՝ հիմքեր չկան այդ պատճառով գործին ընթացք չի տրվել։ Փաստորեն իրավապահ մարմիններին չեն դիմել, պատերի ներսում փակվել է այս հարցը, բայց թե ինչ հիմքերով է փակվել, ում շահագրգռվածությամբ, ես չգիտեմ»,– ասում է մանկապարտեզի տնօրեն՝ Մարգարիտա Հովհաննիսյանը։
« Ես որպես ղեկավար իրավասու չէի սույն հարցին պատշաճ լուծում տալ, իմ գործառույթն է տեղեկացնել տնօրենին և ես դա արել եմ» - ասում է Մարգարիտա Հովհաննիսյանը։
