Չինաստանի Ժողովրդական Հանրապետության փոխնախագահ Հան Չժենը Վաշինգտոնում հանդիպում է ունեցել ամերիկացի ձեռնարկատեր Իլոն Մասկի հետ, հայտնում է Xinhua-ն։
Ավելի վաղ Հան Չժենը ժամանել էր Վաշինգտոն՝ մասնակցելու ԱՄՆ ընտրված նախագահ Դոնալդ Թրամփի երդմնակալությանը։ Հան Չժենի ու Մասկի հանդիպումը կայացել է հունվարի 19-ին։ Ինչպես նշում է գործակալությունը, Չինաստանի Ժողովրդական Հանրապետության փոխնախագահն ասել է, որ Պեկինը ողջունում է ամերիկյան ընկերություններին, այդ թվում՝ Tesla-ին, օգտվել Չինաստանի զարգացման ընձեռած հնարավորություններից։
Մասկը, ինչպես նշում է գործակալությունը, ասել է, որ Tesla-ն պատրաստ է խորացնել ներդրումներն ու համագործակցությունը Չինաստանում, ինչպես նաև «ակտիվ դեր խաղալ ԱՄՆ-ի և Չինաստանի միջև տնտեսական և առևտրային փոխանակումների խթանման գործում»։
Նույն օրը Հան Չժենը հանդիպել է ԱՄՆ գործարար համայնքի ներկայացուցիչների հետ։
