Գերմանիան կմասնակցի Բալթիկ ծովում ՆԱՏՕ-ի մոնիտորինգի միջոցառումներին։ Այդ մասին Հելսինկիում լրագրողներին հայտնել է Գերմանիայի կանցլեր Օլաֆ Շոլցը: Նրա ելույթը հեռարձակվել է Welt հեռուստաալիքով։
«Գերմանիան կմասնակցի հսկողության ուժեղացմանը՝ օգտագործելով սեփական հնարավորությունները: Եվ հետևաբար, մենք համապատասխան միջոցներ կձեռնարկենք դա հնարավոր դարձնելու համար», - ասել է Շոլցը:
«Բալթիկ ծովում տեղի են ունեցել լուրջ միջադեպերի մի ամբողջ շարք, որոնք պետք է անհանգստացնեն մեզ»,- նշել է նա։ Կանցլերն ասել է, որ եվրոպական երկրների «տնտեսական զարգացման համար» անհրաժեշտ կարևոր ենթակառուցվածքները վտանգի տակ են։
Շոլցը կարծում է, որ միջադեպերը կարող են լինել «հիբրիդային ռազմավարության մի մասը», որն ուղղված է եվրոպական երկրներին:
«Ուստի, կարևոր է, որ մենք հիմա այստեղ ենք՝ քննարկելու, թե ինչպես կարող ենք միասին հասնել ավելի մեծ անվտանգության Բալթիկ ծովի տարածաշրջանում», - ասել է նա:
