Ճապոնիայի վարչապետ Շիգերու Իսիբան ասել է, որ տեսահոլովակի միջոցով եռակողմ հանդիպում է ունեցել ԱՄՆ հեռացող նախագահ Ջո Բայդենի և Ֆիլիպինների առաջնորդ Ֆերդինանդ Մարկոս կրտսերի հետ։
Kyodo լրատվական գործակալության փոխանցմամբ՝ Տոկիոյի իր նստավայրում լրագրողների հետ զրույցում նա ասել է, որ բանակցությունների մասնակիցները կողմ են արտահայտվել ծովային և տնտեսական անվտանգության ամրապնդմանը, օվկիանոսային հուսալի ենթակառուցվածքների կառուցմանը, համագործակցության զարգացմանը։
Իշիբան նաև ասել է Բայդենին, որ բիզնես շրջանակները ոչ միայն Ճապոնիայում, այլև ԱՄՆ-ում անհանգստացած են հեռացող նախագահի որոշմամբ՝ արգելել ամերիկյան պողպատե ընկերության US Steel-ի վաճառքը ճապոնական խոշորագույն Nippon Steel կորպորացիային:
Բայդենը արգելափակել է գործարքը ազգային անվտանգության նկատառումներից ելնելով, հունվարի սկզբին հայտարարեց Սպիտակ տունը:
