Լիբանանի վարչապետ Նաջիբ Միքաթին ժամանել է Սիրիա, հաղորդում է Al Mayadeen հեռուստաալիքը։ 2010 թվականից ի վեր սա Լիբանանի կառավարության ղեկավարի առաջին պաշտոնական այցն է Դամասկոս։
Հեռուստաալիքի տվյալներով՝ Միքաթիի եւ Սիրիայի նոր վարչակազմի ղեկավար Ահմեդ ալ-Շարաայի բանակցությունները սկսվել են Ժողովրդական պալատում, որը պետության ղեկավարի նստավայրն է։
Պատվիրակությունը Դամասկոս ուղարկելու որոշումն ընդունվել է հունվարի 7-ին Լիբանանի կաբինետի նիստում։
Հունվարի 3-ին Միքաթին հեռախոսազրույց է ունեցել ալ-Շարաայի հետ եւ նրա հետ քննարկել երկկողմ հարաբերությունների զարգացման հեռանկարները։
«Մենք եկել ենք ընդհանուր կարծիքի, որ բարձր մակարդակով շփումների հաստատումը բխում է Լիբանանի, Սիրիայի և ողջ տարածաշրջանի շահերից»,- զրույցից հետո ասել է վարչապետը։
