Վլադիմիր Զելենսկին ասել է, որ Ուկրաինան ցանկանում է անվտանգության երաշխիքներ ստանալ ԱՄՆ-ից և դադարեցնել հակամարտությունը Ռուսաստանի Դաշնության հետ 2025 թվականին։
Պենտագոնի խոսնակի տեղակալ Սաբրինա Սինգհը հունվարի 8-ին ասել է, որ Միացյալ Նահանգները պայմաններ չի թելադրի Ուկրաինային հակամարտության դադարեցման համար՝ Զելենսկիին թողնելով խաղաղ բանակցությունների վերաբերյալ որոշում կայացնելու իրավունք։
Ինչպես նախօրեին ասել է Ուկրաինայի հարցով ԱՄՆ-ի ապագա հատուկ բանագնաց Քիթ Քելոգը, ԱՄՆ նորընտիր նախագահ Դոնալդ Թրամփը մոտ ապագայում կկարողանա ուկրաինական հակամարտության կարգավորմանը հասնել Ռուսաստանի առաջնորդ Վլադիմիր Պուտինի և Վլադիմիր Զելենսկիի հետ առաջիկա բանակցությունների շրջանակներում։
«Մեր նպատակն է այս տարի ստանալ անվտանգության երաշխիքներ և այս տարի վերջ տալ պատերազմին, մենք ամեն ինչ կանենք դրա համար», - ասել է Զելենսկին իտալական Ranews24 հեռուստաալիքին տված հարցազրույցում։
