Լոս Անջելեսի միջազգային օդանավակայանը, ինչպես նաև նրա շրջակա տարածքների օդանավակայանները շարունակում են աշխատել ուժեղ հրդեհների պայմաններում, սակայն մի շարք սահմանափակումներով:
Ինչպես ՏԱՍՍ-ին բացատրել են Լոս Անջելեսի միջազգային օդանավակայանի կառավարման ծառայությունից, օդանավի վայրէջքն ապահովող ռադիոփարոսներից մեկը խափանվել է։
«Այս առումով մի շարք թռիչքներ պահանջում են GPS համակարգի միջոցով վայրէջք կատարելու տեխնիկական հնարավորություն»,- պարզաբանել է գործակալության զրուցակիցը՝ նշելով, որ նման սահմանափակումը կարող է հանվել մոտավորապես մեկ ամսից ոչ շուտ։
Մոտակայքում գտնվող տեղական Սանտա Մոնիկա օդանավակայանը նախազգուշացնում է թռիչքի և վայրէջքի բրիգադներին, որ թռիչքի մի քանի մակարդակներ ներկայումս զբաղված են անօդաչու թռչող սարքերով, որոնք վերահսկում են կրակի հետագա տարածումը:
Բացի այդ, դիսպետչերական ծառայությունը պարզաբանել է, որ այստեղ գտնվող մեկ այլ օդանավակայան՝ Bracket Field-ը, որը կինոսիրողներին հայտնի է «Airport» և «Spencer Pilots» ֆիլմերից, ներկայումս չի ապահովում ինքնաթիռների ավտոմատ լիցքավորում։
