Թուրքական զինված ուժերը պատրաստ են Սիրիայում անդրսահմանային գործողություն իրականացնել Քրդստանի աշխատավորական կուսակցության զինյալների և հարակից խմբավորումների դեմ, եթե PKK-ն վայր չդնի զենքերը, հայտարարել է Թուրքիայի պաշտպանության նախարարության աղբյուրը TRT պետական հեռուստաալիքին։
«Թուրքիայի զինված ուժերը հարգում են Սիրիայի տարածքային ամբողջականությունը և հաստատակամ են անդրսահմանային գործողություններ իրականացնել ահաբեկչական խմբավորումների դեմ, եթե նրանք չդնեն զենքերը», - ասել է աղբյուրը։
Հեռուստաալիքի զրուցակիցն ընդգծել է, որ թուրք զինվորականները կկանխեն PKK-ի և հարակից խմբավորումների փորձերը՝ օգտագործելու ռազմավարական օբյեկտներ, ինչպիսին է Տիշրին ամբարտակը՝ տարածաշրջանում կայունությունը խաթարելու համար։
Պաշտպանության նախարարության խոսնակ Զեքի Աքթուրքը հինգշաբթի օրը կայացած ճեպազրույցում ասել է, որ վերջին շաբաթվա ընթացքում Թուրքիայի զինված ուժերը Սիրիայում և Իրաքում ոչնչացրել են 94 ահաբեկիչների, իսկ 2024 թվականին՝ ավելի քան 3,1 հազարի։
