Ինդոնեզիան մտադիր է ակտիվորեն մասնակցել BRICS-ի գործունեությանը՝ որպես համայնքի լիիրավ անդամ: Այս մասին ասվում է Ինդոնեզիայի ԱԳՆ հայտարարության մեջ։
«Ինդոնեզիան, որպես աճող և դիվերսիֆիկացված տնտեսություն, մտադիր է ակտիվորեն նպաստել BRICS-ի օրակարգին՝ ներառյալ տնտեսական կայունության խթանումը, տեխնոլոգիական համագործակցությունը, կայուն զարգացումը և գլոբալ մարտահրավերները, ինչպիսիք են կլիմայի փոփոխությունը, պարենային անվտանգությունը և առողջությունը», - ասվում է հաղորդագրության մեջ։
Արտաքին գործերի նախարարությունը նշել է, որ Ջակարտան «հավատարիմ է մնում BRICS-ի անդամ բոլոր երկրների, ինչպես նաև այլ երկրների հետ սերտ համագործակցությանը՝ արդար և բարգավաճ աշխարհ կառուցելու համար»:
