Սիրիան Թուրքիայից և Քաթարից կստանա երկու լողացող էլեկտրակայան, որոնք միասին կարտադրեն լրացուցիչ 800 ՄՎտ էլեկտրաէներգիա։ Այս մասին SANA-ին հայտնել է Սիրիայի էլեկտրաէներգիայի փոխանցման և բաշխման գլխավոր տնօրինության գլխավոր տնօրեն Խալեդ Աբու Դեյը:
Երկու լողացող էլեկտրակայաններ կժամանեն Սիրիա Թուրքիայից և Կատարից, որոնք կարտադրեն 800 մեգավատտ էլեկտրաէներգիա, ինչը համարժեք է Սիրիայում արտադրվող ներկայիս մակարդակին։
Սիրիան տառապում է էլեկտրաէներգիայի խիստ սղությունից։ Երկրի մեծ մասում էլեկտրաէներգիան հասանելի է օրական ընդամենը երեք ժամով: Ավելի վաղ Սիրիայի ժամանակավոր կառավարությունը հայտարարել էր, որ ծրագրում է երկու ամսվա ընթացքում օրական մինչև ութ ժամ էլեկտրաէներգիա ապահովել:
«Նախորդ վարչակարգի օրոք էլեկտրահաղորդման գծերին, գեներատորներին և տրանսֆորմատորային կայաններին հասցված վնասի մասշտաբը շատ մեծ է, մենք պարտավորվում ենք վերականգնել ենթակառուցվածքը, որպեսզի ցանցը կարողանա արդյունավետ կերպով էլեկտրաէներգիա տեղափոխել», - ընդգծել է Աբու Դեյը:
