ՌԴ Չուվաշիայում Ձմեռ պապի հագուստով տղամարդը կրակել և սպանել է տեղացի մի գործարարի, հաղորդում է Telegram 112 ալիքը։Գործարար Յուրի Սուրակինի սպանությունը տեղի է ունեցել հունվարի 2-ի կեսօրին։
Ձմեռ պապի հագուստով անհայտ անձը երկփողանի ատրճանակով եկել է նրա խանութ ու, թույլ տալով իր հետ սելֆի անել, մի քանի անգամ կրակել է վաճառակետի տիրոջ վրա։
Գործարարը տեղում մահացել է։ Մարդասպանը հանցագործության վայրից հեռացել է՝ մինչ ոստիկանների ժամանումը։Ըստ Baza-ի՝ կասկածյալին դեռ չեն ձերբակալել։
Նրա ինքնությունն ու շարժառիթները դեռ պարզված չեն։ Իրավապահ մարմինների աշխատակիցները պարզել են, որ նա փախել է ավտոմեքենայով:
