Դեկտեմբերի 5-ին կայացել է ՀՖՖ Կարգապահական և Էթիկայի կոմիտեի նիստը: Այս մասին տեղեկացնում է ՀՖՖ պաշտոնական կայքը։ ՀՖՖ Կարգապահական և Էթիկայի կոմիտեի հերթական նիստի որոշման համաձայն, «Վեստ Արմենիային» գրանցվել է տեխնիկական պարտություն՝ 0։3 հաշվով՝ «Փյունիկի» հետ 17-րդ տուրի խաղում չներկայանալու հիմքով։
Բացի այդ, ղեկավարվելով ՀՖՖ Կարգապահական և էթիկայի կանոնակարգի 21-րդ հոդվածի 4-րդ կետով՝ ՀՖՖ ԿԷԿ-ը որոշել է «Վեստ Արմենիա ՖԱ» ՀԿ-ին տուգանել նվազագույն աշխատավարձի հինգհարյուրապատիկի՝ 500,000 ՀՀ դրամի չափով։ Այսպիսով, «Փյունիկը» տարին ավարտում է վաստակած 37 միավորով։
