Ռուսաստանի արտգործնախարար Սերգեյ Լավրովը հույս է հայտնել, որ ուրբաթ օրը Դոհայում կայանալիք միջազգային կոնֆերանսի ժամանակ կկարողանա հանդիպել Թուրքիայի և Իրանի ԱԳ նախարարների հետ՝ քննարկելու Սիրիայի հարցը։
«Աստանայի ֆորմատը» մասնակիցների օգտակար միավորում է։
Մենք բավականին մտահոգված ենք։ Այն ամենից հետո, ինչ տեղի ունեցավ Հալեպում և դրա շրջակայքում, ես խոսեցի Թուրքիայի արտգործնախարար Հաքան Ֆիդանի, ինչպես նաև իմ իրանցի գործընկերոջ Աբբաս Արաղչիի հետ։
Պայմանավորվեցինք փորձել հանդիպել այս շաբաթ: Հուսով եմ, որ մենք կկարողանանք հանդիպել Դոհայում՝ միջազգային համաժողովի շրջանակում»,- ասել է նա ամերիկացի լրագրող Թակեր Կարլսոնին տված հարցազրույցում։
Լավրովը նշել է, որ իրենք կցանկանային քննարկել Իդլիբի պայմանավորվածությունների խստիվ կատարմանը վերադառնալու անհրաժեշտությունը, քանի որ Իդլիբի դեէսկալացիայի գոտին դարձել է այն վայրը, որտեղից ահաբեկիչները շարժվել են Հալեպը գրավելու համար։
