«Կարծում եմ, որ Դաշնակցությունը փորձում է իշխանությունը վերցնել և կամաց–կամաց նրանց, ովքեր դաշնակցական չեն, «Հայաստան» խմբակցությունից դուրս մղել։ Եվ դա մի հատ մեծ պլան է։ Նրանք հասկացան, որ ոչ մի բան չեն կարողանում անել մեր դեմ, ընտրություններն էլ մի տարուց մոտենում են, որոշեցին նման բան անել»– լրագրողների հետ զրույցում ասաց ԱԺ նախագահ Ալեն Սիմոնյանը՝ անդրադառնալով «Հայաստան» խմբակցության պատգամավոր Գեղամ Նազարյանի շուրջ տեղի ունեցող իրադարձություններին։
«Կարելի է մտածել, որ իրենցից որևէ մեկն ինձ հետ գործուղման չի եկել, հաց չի կերել, չի նկարվել»,– նշել է նա։ Սիմոնյանի խոսքով՝ Աղվան Վարդանյանը մոտեցել է իր աշխատակից Աշխենին և ասել՝ «Ինչո՞ւ չեք ինձ տանում Բալթյան երկրներ»։ «Սեյրան Օհանյանն է մոտեցել ինձ ԱԺ խորհրդի նիստից հետո, ասել է՝ ես, իմիջայլոց, այս ինչ երկրի բարեկամանական խմբի ղեկավարն եմ, ինձ ինչո՞ւ չեք ներառում։
Աղվան Վարդանյանն ինձ մոտեցավ, ասաց՝ ե՞րբ ազատ կլինեք, գնանք իրար հետ նստենք, սրճենք, մի քիչ զրուցենք իրար հետ»,– նշեց Սիմոնյանը։
