Եվրոպական դիվանագիտության ղեկավար Կայա Կալլասը և ընդլայնման հարցերով եվրահանձնակատար Մարթա Կոսը համատեղ կոմյունիկեում հայտարարել են, որ անկարգությունները դադարեցնելու վրացական իշխանությունների գործողությունները բացասական հետևանքներ կունենան Եվրամիության հետ հարաբերությունների վրա։
«Վրաց ժողովուրդը հերթական անգամ դուրս եկավ փողոց՝ վերահաստատելու Եվրամիությանն անդամակցելու իր ցանկությունը։ ԵՄ-ն խստորեն դատապարտում է բռնությունը խաղաղ ցուցարարների նկատմամբ, ովքեր վճռականորեն պաշտպանում են իրենց եվրոպական և ժողովրդավարական ապագան: Վրաստանի կառավարության այս գործողություններն ուղղակի հետևանքներ կունենան մեր հարաբերությունների վրա»,- ընդգծվում է փաստաթղթում։
Պաշտոնյաները հիշեցրել են, որ Եվրամիությունը դադարեցրել է Վրաստանին համայնքի կազմում ընդունելու գործընթացը, ինչպես նաև ֆինանսական աջակցությունը։
