ԱՄՆ նորընտիր նախագահ Դոնալդ Թրամփը հայտարարել է, որ 100% առևտրային մաքսատուրքեր կսահմանի BRICS երկրների ապրանքների վրա, եթե նրանք նոր արժույթ ստեղծեն կամ հրաժարվեն դոլարից։
«Գաղափարը, որ BRICS երկրները փորձում են հրաժարվել դոլարից, մինչ մենք կանգնած հետևում ենք, ավարտված է:
Մենք պարտավորություն ենք պահանջում այս երկրներից, որ նրանք չեն ստեղծի BRICS–ի նոր արժույթ կամ չեն աջակցի մեկ այլ արժույթի, որպեսզի փոխարինեն հզոր ԱՄՆ դոլարը, հակառակ դեպքում՝ նրանք կկանգնեն 100% մաքսատուրքերի առաջ և ստիպված կլինեն հրաժեշտ տալ ամերիկյան հրաշալի տնտեսությանը վաճառելու գաղափարին»,- գրել է նա Truth Social-ում:
Թրամփը պնդում է, որ «ցանկացած երկիր», որը կփորձի դոլարին փոխարինող գտնել միջազգային առևտուր իրականացնելու համար, «հրաժեշտ կտա Ամերիկային»։
