Վրաստանի խորհրդարանի ղեկավարությունը որոշել է սահմանել անվտանգության կարմիր մակարդակ և դրանով իսկ փակել Թբիլիսիի օրենսդիր շենքը այցելուների համար՝ հակակառավարական լայնածավալ ցույցերի պատճառով։ Այս մասին ասված է օրենսդիր մարմնի հայտարարության մեջ։
«Այսօր՝ նոյեմբերի 29-ից, Վրաստանի խորհրդարանի շենքում սահմանվել է կարմիր մակարդակ, ոչ ոքի չի թույլատրվի մտնել խորհրդարան, բացառությամբ այն անձանց, որոնց նույնականացրել է խորհրդարանի աշխատակազմի ղեկավարը»,- ասվում է հայտարարության մեջ։
Վրաստանի վարչապետ Իրակլի Կոբախիձեն հինգշաբթի օրը հայտարարել է, որ իշխող «Վրացական երազանք-Ժողովրդավարական Վրաստան» կուսակցությունը որոշել է մինչև 2028 թվականի վերջը օրակարգ չընդգրկել ԵՄ-ին անդամակցելու բանակցությունների հարցը և հրաժարվել համայնքի բյուջետային բոլոր դրամաշնորհներից։
Կոբախիձեի հայտարարությունը դժգոհություն է առաջացրել որոշ քաղաքացիների մոտ, ովքեր հինգշաբթի սկսել են հավաքվել խորհրդարանի շենքի մոտ։ Հանրահավաքը վերաճել է ոստիկանների հետ ծեծկռտուքի, ինչի արդյունքում վիրավորվել են իրավապահներ, ցուցարարներ, լրատվամիջոցների ներկայացուցիչներ։ Հատուկ ջոկատայինները ցրել են ցուցարարներին և առավոտյան ամբողջությամբ ազատագրել Ռուսթավելի պողոտան խորհրդարանի դիմաց։
