Թուրքիայի նախագահ Ռեջեփ Թայիփ Էրդողանը հայտարարել է, որ ակնկալում է, որ Իսրայելը բառացիորեն կկատարի Լիբանանի հետ հրադադարի համաձայնագրի պայմանները։
«Մենք քրտնաջան աշխատում ենք Ուկրաինայի և Մերձավոր Արևելքի հակամարտություններին լուծում գտնելու համար: Մենք գոհ ենք Իսրայելի և Լիբանանի միջև հրադադարի մասին համաձայնագրի իրագործումից, որն ուժի մեջ է մտել այսօր առավոտյան:
Մենք ակնկալում ենք, որ բոլոր կողմերը, հատկապես Իսրայելը, բառացիորեն կկատարեն խաղաղություն պահպանելու իրենց պարտավորությունները»,- ասել է նա՝ ելույթ ունենալով խորհրդարանում իշխող «Արդարություն և զարգացում» կուսակցության խմբակցության առջև։
Թուրքական կողմը, ինչպես նշել է Էրդողանը, «պատրաստ է ցանկացած ներդրում ունենալ Գազայի հատվածում ջարդերը դադարեցնելու և մշտական հրադադարի հաստատման գործում»։
Թուրքիայի ԱԳՆ-ը ավելի վաղ ողջունել է Իսրայելի և Լիբանանի միջև զինադադարի հաստատումը և հույս հայտնել, որ այն մշտական կլինի։ Միջազգային հանրությունը, ինչպես նշվում է գերատեսչությունում, «պետք է ճնշում գործադրի Իսրայելի վրա, որպեսզի նա խստորեն պահպանի հրադադարը և փոխհատուցի Լիբանանին հասցված վնասը»։
