Գրինդավիկ քաղաքը և Իսլանդիայի հանրահայտ երկրաջերմային հանգստավայրը՝ Blue Lagoon-ը, ամբողջությամբ տարհանվել են հրաբխի ժայթքման պատճառով, որը սկսվել է հինգշաբթի գիշերը Ռեյկյանես թերակղզում, հաղորդում է RUV հեռուստաալիքը:
Ավելի վաղ Իսլանդիայի օդերեւութաբանական ծառայությունը հայտնել էր, որ Ռեյկյանես թերակղզում հրաբխի ժայթքում է տեղի ունեցել։ RUV հեռուստաալիքի փոխանցմամբ՝ Սիդուրնեսի ոստիկանապետը հայտնել է, որ Գրինդավիկ քաղաքում տարհանում է իրականացվում։
Ինչպես նշել է հեռուստաալիքը, քաղաքացիական պաշտպանության ծառայությունը հրաբխի ժայթքման պատճառով արտակարգ դրություն է հայտարարել։
«Գրինդավիկն ամբողջությամբ տարհանվել է, ինչպես և Կապույտ ծովածոցը»,- հայտնում է հեռուստաալիքը։ Ինչպես հաղորդում է Blue Lagoon-ի պաշտոնական կայքը, հանգստավայրը փակ կլինի հինգշաբթի օրը:
Կեֆլավիկ միջազգային օդանավակայանն, իր հերթին, հայտնել է, որ այն աշխատում է բնականոն հունով։
Իսլանդիայի օդերևութաբանական ծառայության տվյալներով՝ այս ժայթքումն իր մասշտաբով շատ ավելի փոքր է, քան օգոստոսին տեղի ունեցածը։
