Մերձավոր Արևելքում շարունակվող հակամարտության հետ կապված Ֆրանսիայում և Եվրոպայում սպառնալիքների առաջացման հնարավորությունը սահմանափակ է։ Այսպիսի հայտարարություն է արել Ֆրանսիայի արտաքին հետախուզության գլխավոր տնօրինության (DGSE) ղեկավար Նիկոլա Լերները (Nicola Lerner) Le Point ամսագրին տված հարցազրույցում։
«Կարճաժամկետ հեռանկարում շարունակվող պատերազմը և դրա հետ կապված հումանիտար ողբերգությունները» կարող են հանգեցնել «բռնի գործողությունների նրանց կողմից, ովքեր պարտավոր են գործել ի պաշտպանություն Պաղեստինի կամ մահմեդականների», -ասել է Լերները:
Միևնույն ժամանակ, նրա կարծիքով, «հետախուզական ծառայությունների աշխատանքի շնորհիվ Ֆրանսիայում և Եվրոպայում սպառնալիքը սահմանափակ է»:
Ֆրանսիական արտաքին հետախուզության տնօրենն ընդգծել է նաև, որ այս պահին հետախուզական ծառայությունները չեն արձանագրում խմբավորումների ակտիվ գործունեությունը, որոնցից կարող են բխել այդ սպառնալիքները։
«Սակայն, եթե հակամարտությունը ձգձգվի, մի շարք տեղական խմբավորումներ կարող են փորձել տարածել իրենց գործունեությունը Իսրայելից դուրս: Սա մի երևույթ է, որից մենք պետք է զգուշանանք՝ հաշվի առնելով մեր պատմական փորձը»,- հավելել է նա:
