Աբխազիայի նախագահ Բադրա Գյունբան (Badra Gunba) երեքշաբթի ասել է, որ հանձնարարել է պետական մարմիններին իրականացնել իրենց գործառույթները, հայտնում է հանրապետության ղեկավարի մամուլի ծառայությունը։
Երեքշաբթի օրը Աբխազիայի խորհրդարանն ընդունել է հանրապետության նախագահ Ասլան Բժանիայի հրաժարականը։ Ինչպես հայտարարել է խորհրդարանի նախագահ Լաշա Աշուբան, Աբխազիայի փոխնախագահ Բադրա Գյունբան պետության ղեկավարի պաշտոնը կզբաղեցնի մինչև արտահերթ ընտրությունների անցկացումը։
«Աբխազիայի Հանրապետության նախագահ Ասլան Գեորգիևիչ Բժանիայի հրաժարականի մասին Աբխազիայի Հանրապետության Ժողովրդական ժողովի որոշման ընդունման կապակցությամբ և Աբխազիայի Հանրապետության Սահմանադրությանը համապատասխան ես ձեռնամուխ եմ եղել Աբխազիայի Հանրապետության Նախագահի լիազորությունների և պարտականությունների կատարմանը:
Իմ կողմից հանձնարարականներ են տրվել բոլոր ղեկավարներին և պետական կառավարման մարմիններին ՝ իրենց գործառույթները կատարել Աբխազիայի Հանրապետության օրենսդրությանը համապատասխան ՝ պետության կենսագործունեության պահպանման և ապահովման համար»,- ասվում է Գյունբայի հայտարարության մեջ։
