CNN- Ուկրաինայի նախագահ Վլադիմիր Զելենսկին ուրբաթ օրը ասել է, որ Ռուսաստանի հետ պատերազմն Ուկրաինայում «ավելի արագ» կավարտվի, երբ Դոնալդ Թրամփը ստանձնի ԱՄՆ նախագահի պաշտոնը: Ուկրաինայի հանրային հեռուստատեսության Suspilne հեռուստաընկերությանը տված հարցազրույցում Զելենսկին խոստովանել է, որ բարդ իրավիճակ է ստեղծվել մարտի դաշտում, որտեղ Ռուսաստանը ունի առավելություններ կենդանի ուժի և սպառազինության մեջ: Նա ասաց, որ պատերազմը «ավելի արագ կավարտվի այս թիմի քաղաքականությամբ, որն այժմ ղեկավարելու է Սպիտակ տունը»: Նկատի ունենալով Թրամփի գալիք վարչակազմին: «Սա նրանց մոտեցումն է, նրանց խոստումը իրենց հասարակությանը, և դա նույնպես շատ կարևոր է նրանց համար», - ավելացրեց նա: Զելենսկին ընդգծել է, որ Ուկրաինայի կողմից մենք պետք է ամեն ինչ անենք, որպեսզի պատերազմը ավարտվի հաջորդ տարի դիվանագիտական ճանապարհով»։
Թրամփը, ով այս ամսվա սկզբին ընտրվեց երկրորդ ժամկետով, բազմիցս հայտարարել է, որ Ուկրաինա-Ռուսաստան պատերազմը չէր սկսվի, եթե նա լիներ նախագահ։ Հուլիսին նա ասաց, որ կարող է կարգավորել պատերազմը մեկ օրում՝ առանց ասելու, թե ինչպես դա կանի: Իր քարոզարշավի ընթացքում նորընտիր նախագահը և նշել էր որ իր ընտրվելու դեպքում պատերազմը շատ արագ կավարտվի, հիշեցնենք որ պատերազմը շարունակվում է ավելի քան երկուսուկես տարի՝ 2022 թվականի փետրվարին ռուսական ուժերը անցան լայնածավալ հարձակաման: Մինչդեռ G7-ի ղեկավարները շաբաթ օրը անսասան աջակցության ուղերձ էին հղել Ուկրաինային: «Մենք համերաշխ ենք՝ նպաստելով Ուկրաինայի ինքնիշխանության, ազատության, անկախության, տարածքային ամբողջականության և նրա վերակառուցման համար մղվող պայքարին», - ասվում է հայտարարության մեջ: Մինչդեռ G7-ի երկրները ասում է, որ Ռուսաստանը «միակ խոչընդոտն է արդար և կայուն խաղաղության համար»:
Ռուսաստանը նվաճումներ է գրանցում Ուկրաինայի արևելյան և հարավ-արևելյան ճակատային գծերի առանցքային կետերում՝ ավելի մոտենալով Կուրախովեի նման առանցքային կենտրոններին: Ռուսաստանը շաբաթ օրը հայտարարեց, որ գրավել է ևս երկու արևելյան բնակավայր Դոնեցկի մարզում, թեև Ուկրաինայի կողմից հաստատում չկա: Միևնույն ժամանակ, Մոսկվան պատրաստվում է հակահարձակում սկսել Ռուսաստանի հարավային Կուրսկի շրջանում, որը Կիևի միակ ռազմական հաջողության գրանցած վայրն է։ Այս տարի Զելենսկին խոստովանել է, որ իրավիճակը Ուկրաինայի արևելքում «իրոք ծանր է»:
«Ռուսները ունեն դանդաղ, բայց կայուն առաջխաղացում»,- ասաց նա՝ հավելելով, որ նրանք 12 ամիս սպասել են որոշ զինատեսակների մատակարարմանը: Այնուամենայնիվ, Ուկրաինայի ղեկավարը ընդգծել է, որ Ռուսաստանի առաջխաղացումները ծանր գին են ունեցել։ Մոսկվայի ուժերը օրական կորցնում են մինչև 2000 մարդ։ «Սա սարսափելի կորուստներ են», - ասաց նա։ «Նրանք չեն կարող առաջ գնալ նման կորուստներով»: Ուրբաթ օրը Գերմանիայի կանցլեր Օլաֆ Շոլցի և Ռուսաստանի նախագահ Վլադիմիր Պուտինի հեռախոսազրույցը արժանացավ Զելենսկու քննադատությանը, Զելինսկին Շոլցին մեղադրեց «Պանդորայի արկղը» բացելու մեջ, որը միայն խաթարում է Ռուսաստանի առաջնորդին մեկուսացնելու ջանքերը: Ուրբաթ օրը կայացած զրույցը առաջին անգամն էր, որ Շոլցը խոսեց Պուտինի հետ երկու տարվա մեջ առաջին անգամ:
