ԱՄՆ նախագահական ընտրությունների հաղթող Դոնալդ Թրամփը կարող է կանխել երկրում TikTok սոցիալական ցանցի արգելափակման ծրագրերը, գրում է Washington Post-ը՝ հղում անելով Թրամփին մոտ կանգնած աղբյուրներին։
Ակնկալվում է, որ նորընտիր նախագահ Դոնալդ Թրամփը հաջորդ տարի կփորձի դադարեցնել TikTok-ի հնարավոր արգելքը ԱՄՆ-ում այն բանից հետո, երբ նախընտրական քարոզարշավի ժամանակ խոստացել է հաղթելու դեպքում փրկել սոցիալական ցանցի հայտնի հավելվածը»,- ասվում է հոդվածում։
Պարբերականն ընդգծում է, որ չնայած Թրամփի՝ TikTok-ի վերաբերյալ պաշտոնական հայտարարությունների բացակայությանը, նրա որոշ կողմնակիցներ ակնկալում են, որ նա կմիջամտի արգելափակման գործընթացին։
Ապրիլին ԱՄՆ նախագահ Ջո Բայդենը ստորագրել էր օրենք, որը կարգադրում էր սոցցանցը փոխանցել ամերիկյան ընկերության տնօրինությանը՝ ԱՄՆ-ում աշխատանքի արգելման սպառնալիքով։ Նոր օրենքի համաձայն՝ գործարքը պետք է ավարտվի մինչև հաջորդ տարվա հունվարի 19-ը։
TikTok-ը կարճ տեսանյութեր ստեղծելու և դիտելու հավելված է, որը պատկանում է չինական ByteDance ընկերությանը։ Այն թողարկվել է 2018 թվականին։
Սոցիալական ցանցը գտնվում է ԱՄՆ իշխանությունների ուշադրության տակ, քանի որ նրանք մտավախություն ունեն, որ Չինաստանի կառավարությունը կարող է նրանից պահանջել օգտատերերի տվյալները կամ օգտագործել հավելվածը քարոզչություն տարածելու համար: TikTok-ը բազմիցս չի հերքել է այդ մտահոգությունները:
