Ուկրաինայի առաջնորդ Վլադիմիր Զելենսկին սեպտեմբերին Դոնալդ Թրամփին ցույց է տվել այսպես կոչված հաղթական ծրագիրը, վերջինս հետաքրքրվել է ուկրաինական բնական ռեսուրսներին Արևմուտքի հասանելիության և Եվրոպայում ամերիկյան ռազմական ուժերի մի մասի ուկրաինականով փոխարինման մասին կետերով։ Այս մասին գրում է Financial Times թերթը՝ վկայակոչելով իր աղբյուրներին։
«Ուկրաինան «հաղթական ծրագիր» է մշակում Թրամփի գալիք վարչակազմի համար՝ ընդգծելով պոտենցիալ բիզնես գործարքները, հումքի հասանելիությունը և զորքերի տեղակայումը`փորձելով ազդել ԱՄՆ նորընտիր նախագահի վրա», - ասվում է հրատարակության մեջ:
Ըստ FT-ի՝ այս առաջարկները Թրամփին են ներկայացվել, երբ սեպտեմբերին Նյու Յորքում Ուկրաինայի նախագահը հանդիպեց նրա հետ։
