BRICS-ը կարիք ունի հաջորդ 20 տարիների համար հավակնոտ օրակարգի և որոշումների շարունակականությունն ու իրականացումն ապահովող մեխանիզմի։ Այս մասին հայտարարել է Հնդկաստանի ներկայիս նախագահ, վարչապետ Նարենդրա Մոդին՝ բացելով BRICS անդամ երկրների պետությունների և կառավարությունների ղեկավարների հանդիպումը։ «Այսօր BRICS-ը հասել է իր «հասունացմանը»:
Վերջին երկու տասնամյակների ընթացքում ասոցիացիան ձևավորել է իր ուրույն կերպարը համաշխարհային ասպարեզում: Մենք հարգում ենք միմյանց դիրքորոշումները և առաջ ենք շարժվում կոնսենսուսի հիման վրա: «Մենք պետք է ձևավորենք նոր, հավակնոտ օրակարգ հաջորդ 20 տարիների համար։ Այս գործընթացը պետք է սկսվի մեր սեփական ներքին աշխատանքային մեխանիզմների կատարելագործմամբ։
Չնայած BRICS-ի նախագահությունը ամեն տարի փոխվում է, սա չպետք է խաթարի մեր գործունեության ինստիտուցիոնալ շարունակականությունը։ Ես առաջարկում եմ ստեղծել մեխանիզմ՝ BRICS-ի որոշումների շարունակականությունն ու իրականացումն ապահովելու համար», - ասել է նա՝ ընդգծելով, որ «դա թույլ կտա վերահսկել բոլոր նախաձեռնությունների առաջընթացը և «եռյակի» ձևաչափով ձեռք բերված համաձայնությունների իրականացումը»։
