Ռուսաստանում ավիավառելիքի հետ կապված խնդիրների հետևանքով 26 օդանավակայաններում սահմանափակվել է ինքնաթիռների լիցքավորումը, որոնց մի մասում ռուսական և օտարերկրյա ավիաընկերություններին թույլատրվում է վերցնել միայն մեկ չվերթի համար անհրաժեշտ վառելիքի ծավալ:
The Moscow Times, վկայակոչելով «Դիլոն»-ին (Dilo), հայտնում է, որ Ռուսաստանում ավիավառելիքի խնդիրների պատճառով երկրի 26 օդանավակայաններում սահմանափակվել է ինքնաթիռների լիցքավորումը: Դրանց մի մասում օտարերկրյա ու ռուսական ավիաընկերություններին թույլ են տալիս վերցնել լոկ մեկ չվերթին անհրաժեշտ վառելիքի ծավալ:
Սահմանափակումների առաջին ալիքը կիրառվել է հունիսին, իսկ երկրորդը՝ սեպտեմբերին: Նոր կանոնների գործողության ժամկետը, կախված օդանավակայանից, տատանվում է մեկից մինչև շուրջ յոթ ամիս:
Սանկտ Պետերբուրգի «Պուլկովո» օդանավակայանում մինչև 2027 թվականի մարտը ինքնաթիռների լիցքավորումը թույլատրվում է բացառապես թռիչքային պլանին համապատասխան՝ առանց հավելյալ ծավալների, իսկ Կալինինգրադի «Խրաբրովո» օդանավակայանում այդ ընթացակարգը գործելու է մինչև դեկտեմբեր:
Հաղորդագրություններում նշվում է, որ 26 օդանավակայաններից 15-ում սահմանափակումները տարածվում են միայն արտասահմանյան ավիաընկերությունների վրա. «Արտասահմանյան ընկերությունների ինքնաթիռների լիցքավորումը սահմանափակված է մեկ թռիչքի համար անհրաժեշտ ծավալով»:
Նմանատիպ սահմանափակումներ են գործում Կազանի, Ուֆայի, Պերմի, Եկատերինբուրգի, Չելյաբինսկի, Տյումենի, Իրկուտսկի, Վլադիվոստոկի, Խաբարովսկի և Յակուտսկի օդանավակայաններում:
Ռուսաստանի հարավային հատվածում տեղական և օտարերկրյա փոխադրողների համար սահմանափակումները կիրառվում են Սոչիում, Վոլգոգրադում ու Աստրախանում, իսկ Կրասնոդարում դրանք սահմանվել են է միայն արտասահմանյան ընկերությունների համար:
