Անվտանգության խորհրդի նախկին քարտուղար Արմեն Գրիգորյանը նշանակվել է Policy and Management Consulting Group միջազգային խորհրդատվական ընկերության ավագ խորհրդական, տեղեկանում ենք ընկերության պաշտոնական հաղորդագրությունից։ Ընկերության համոզմամբ՝ Գրիգորյանն իրենց է միանում կառավարության ամենաբարձր մակարդակներում ունեցած մեծ փորձով և ռազմավարական կառավարման, դիվանագիտության, միջազգային հարաբերությունների, ինստիտուցիոնալ բարեփոխումների, ճգնաժամերի կառավարման և տարածաշրջանային անվտանգության ոլորտներում իր կարիերայով։
«Այս փորձը արդեն իսկ նպաստում է PMCG-ի աշխատանքներին։ Նա ներգրավված է TRIPP-ի իրագործելիության գնահատման մեջ, որը նախաձեռնություն է, որը կենտրոնացած է Հայաստանի միջոցով կապի ամրապնդման և տարածաշրջանային համագործակցության, խաղաղության և բարգավաճման ավելի լայն ներուժի աջակցության վրա»,- նշել է ընկերությունը։ PMCG-ն կարևորել է, որ Գրիգորյանը 2018-2026-ը զբաղեցրել է Անվտանգության խորհրդի քարտուղարի պաշտոնը, իսկ 2021-ին կարճ ժամանակով արտաքին գործերի նախարարի պաշտոնակատարն էր։
Գրիգորյանը մոտ ութ տարի՝ 2018 թվականից մինչև 2026 թվականի օգոստոսի 13-ը, զբաղեցրել է Անվտանգության խորհրդի քարտուղարի պաշտոնը։ Նրա պաշտոնանկությունից հետո ԱԽ քարտուղար է նշանակվել Ալեն Սիմոնյանը։ Գրիգորյանի պաշտոնանկությունից հետո ԶԼՄ-ները գրել էին, որ Փաշինյանը նրան առաջարկել էր վարչապետի գլխավոր խորհրդականի պաշտոնը, սակայն նա հրաժարվել էր առաջարկից։
