Անթրոպոլոգիայի ազգային ինստիտուտի հնագետները Մեքսիկայում «մահացածների աշխարհ տանող պորտալ» են հայտնաբերել: Այս մասին հայտնում է «ՌԻԱ Նովոստի»-ն։
Փորձագետները ուշադրություն են հրավիրել Սան Պաբլո Ապոստոլ կաթոլիկ եկեղեցու տակ գտնվող հողի և հիմքի ուսումնասիրության արդյունքների վրա: Այստեղ մասնագետները հայտնաբերել են մեծ տարածություններ ձգվող դատարկություններ:
Ըստ հնագետների՝ դատարկությունների խորությունը կազմել է 30 մետր։ Հայտնագործությունը կատարվել է երկրի հարավում գտնվող Հին Միթլա քաղաքում։
Ըստ հնագետների՝ այստեղ ապրել են սապոտեկ հնդկացիներ։
Նրանք մարդկանց են զոհաբերելիս եղել։
Այստեղ հնագետները հայտնաբերել են նաև երեխաների մնացորդներ։ Ենթադրվում է, որ Միթլայում ապրող մարդիկ պաշտում էին Արեգակին ու Լուսնին։ Քաղաքի հովանավորներն էին ստորգետնյա պալատների կառավարիչներ Կոկի Բեզելաոն և Քսոնաքսի Կեկույան։
Նրա անունը թարգմանվում է որպես «մահացածների վայր»։ Ինքը՝ Միթլան, իբր ծառայում էր որպես «մահացածների աշխարհ տանող պորտալ»։
