Հորմուզի նեղուցը փակ կլինի այնքան ժամանակ, քանի դեռ Միացյալ Նահանգները չի կատարել ամերիկա-իրանական հուշագրի պայմանները։ Այդ մասին հայտարարել է Իրանի մեջլիսի խոսնակ Մոհամմադ Բագեր Ղալիբաֆը։
«Հորմուզի նեղուցը չի բացվի այնքան ժամանակ, քանի դեռ Իրանից չի հանվել շրջափակումը, չեն ապասառեցվել իրանական սառեցված ակտիվները, չի չեղարկվել նավթային էմբարգոն, չեն դադարեցվել սպառնալիքներն ու ռազմական գործողությունները բոլոր ճակատներում, ինչպես նաև չեն կատարվել հուշագրի այլ պայմաններ»,- նրա խոսքերն է մեջբերում Mehr իրանական գործակալությունը։
