Թուրքիայի իշխանությունները պատրաստ են կարգավորել հարաբերությունները Հայաստանի հետ, երբ անհրաժեշտ պայմանները ի հայտ գան։ Այս մասին հայտարարել է Թուրքիայի արտաքին գործերի նախարար Հաքան Ֆիդանը «Türkıye» թերթին՝ հունիսի 16-17-ը Ռուսաստան կատարած այցից հետո։
«Նիկոլ Փաշինյանի կառավարությունը շատ կարևոր քայլեր է ձեռնարկել կարգավորման ուղղությամբ։ Նախագահ Թայիփ Էրդողանի հրահանգով ձեռնարկվել են բազմաթիվ կարևոր քայլեր, այդ թվում՝ ուղիղ առևտրի և օդային հաղորդակցության հաստատում։ Նոր շրջանում անելիքները նույնպես պարզ են։
Մենք պատրաստ ենք կարգավորման, երբ անհրաժեշտ պայմանները ի հայտ գան», – նշել է Ֆիդանը։ Թուրքիայի նախագահ Էրդողանը նախկինում շնորհավորել էր Փաշինյանին հունիսի 7-ին կայացած խորհրդարանական ընտրություններում տարած հաղթանակի կապակցությամբ։ Նրանց միջև հեռախոսազրույցի ընթացքում երկու կողմերն էլ գոհունակություն են հայտնել շփումների ակտիվացման կապակցությամբ։ Սահման ունենալով հանդերձ՝ Հայաստանն ու Թուրքիան դիվանագիտական հարաբերություններ չունեն. սահմանը փակ է 1993 թվականից։
Առայժմ կողմերը համաձայնել են բացել սահմանը դիվանագիտական անձնագրեր ունեցող երրորդ երկրների քաղաքացիների համար։
